Date: 30/Mar/2017

ចូលរួមសិក្ខាសាលាថ្នាក់តំបន់ស្តីពីសុខភាពរួមតែមួយ​ (សុខភាពមនុស្ស សុខភាពសត្វ សុខភាពបរិដ្ឋាន) ដើម្បីរួមគ្នាបង្ការ និងទប់ស្កាត់ការរាតត្បាតជំងឺឆ្លងថ្មីៗ ឩបត្ថម្ភដោយគំរោងប្រយុទ្ធនឹងជម្ងឺឆ្លងទី២ ថវិកាបន្ថែម ក្នុងមហាអនុតំបន់មេគង្គ​ ៣០-៣១​ មិនា​ នៅសណ្ឋាគារអង្គរប៉ារ៉ាឌី​ ខេត្តសៀមរាប​ ក្រោមអធិបតីភាពរបស់ឯ.ឧ​ អេង​ ហួត​,​ រដ្ឋលេខាធិការក្រសួងសុខាភិបាល។

OneHealth1.sm  OneHealth2.sm  OneHealth3.sm  

Date: 23/Mar/2017

Machupo P500មេរោគ Machupo ជាប្រភេទមេរោគវិរុស ដែលអាចបង្កឲ្យមានជំងឺគ្រុនឈាម គេរកឃើញជំងឺនេះកើតមានក្នុងប្រទេស Bolivia ដែលជាប្រទេសស្ថិតក្នុងទ្វីបអាមេរិកខាងត្បូងមួយគត់ ពុំមានមេរោគនេះនៅក្នុងតំបន់យើងទេ ។ មេរោគ Machupo គេរកឃើញមានផ្ទុកនៅក្នុងទឹកនោម លាមក ជំពូកសត្វកកេរ ដូចជាកណ្តុរ ទន្សាយ កំប្រុក ។ល។ វាអាចចំលងមកមនុស្សតាមរយៈការប៉ះពាល់ទៅលើ ទឹកនោម លាមក ទឹកសរីរាង្គផ្សេងទៀតរបស់សត្វកកេរដែលមានផ្ទុកមេរោគ Machupo ជួនកាលក៏អាចឆ្លងតាមខ្យល់ និងចំណីអាហារដែលមានផ្ទុកមេរោគបានដែរ ។ មេរោគ Machupo មិនអាចរស់នៅក្នុងកន្លែងស្ងួតបានទេ ដូចជាម្សៅស្ងួត ឫក៏គ្រាប់ថ្នាំជាដើម ។ ដូច្នេះពត៌មានដែលបាន ផ្សព្វផ្សាយកន្លងមកនេះជាពត៌មានមិនពិតទេ ។ ម្យ៉ាងវិញទៀត ការផ្សព្វផ្សាយព័ត៌មានមិនត្រឹមត្រូវចំពោះឱសថ​

Paracetamol ប្រភេទ​ P 500 មានការផ្សព្វផ្សាយព័ត៌មានតាមបណ្តាញព័ត៌មានសង្គមដែលមិនត្រឹមត្រូវចំពោះឱសថ​ paracetamol ប្រភេទ​ P 500 ដែលមានរូបភាពនឹងអត្ថបទដូចមានក្នុងរូបភ្ជាប់មកជាមួយនេះ​ ដែលឱសថនេះមិនមានចុះបញ្ជិកាជាមួយក្រសួងសុខាភិបាល​ទេ​ ហើយក្រោយពីស្រាវជ្រាវឃើញថាមិនមានឱសថប្រភេទនេះចរាចរលើទីផ្សារយើងនោះទេ។​

ពត៌មានបន្ថែមសូមទូរស័ព្ទៈ ១១៥ មិនគិតថ្លៃពីទូរស័ព្ទគ្រប់ប្រព័ន្ទ

អ្នកនាំពាក្យក្រសួងសុខាភិបាលនៃព្រះរាជាណាចក្រកម្ពុជា។

parcetamole P 500.sm   Video 60Buzz  

Date: 03/Mar/2017 | updated: 14/Mar/2017

H5N1 Mar 2017នៅថ្ងៃទី ២៨ កុម្ភៈ ឆ្នាំ២០១៧ នៅប្រទសម៉ាឡេសុី រកឃើញជំងឺផ្តាសាយបក្សីលើសត្វបក្សី និង នៅថ្ងៃទី៣ ខែមិនា ឆ្នាំ២០១៧ នៅប្រទេសវៀតណាម មានការផ្ទុះឡើងវិញនៃជំងឺផ្តាសាយបក្សី ដែលបានសំលាប់និងដុតចោលសត្វបក្សីជាច្រើន តែពុំទាន់រកឃើញឆ្លងមកមនុស្សនៅឡើយទេ ។ ដោយឡែកនៅដើមឆ្នាំ២០១៧នេះ ប្រទេសយើង ក៏បានរកឃើញមានការរីករាលដាលឡើងវិញ នៃជំងឹផ្តាសាយបក្សីលើសត្វបក្សីក្នុងខេត្តស្វាយរៀង តែពុំបានរកឃើញករណីជំងឺផ្តាសាយនៅលើមនុស្សនៅឡើយដែរ ។ ដូច្នេះសូមបងប្អូនមានការប្រុងប្រយ័ត្នខ្ពស់អំពីការចំលងជំងឺនេះ ជាពិសេស ក្នុងពិធីបុណ្យចូលឆ្នាំខ្មែរ ដែលនឹងឈានមកដល់ក្នុងពេលឆាប់ៗនេះ សូមបងប្អូនប្រុងប្រយ័ត្នជានិច្ចអំពីការចំលងជំងឺផ្តាសាយបក្សី ។ សំខាន់សូមកុំយកមាន់ ទា ឬសត្វបក្សីឈឺឬងាប់ មករៀបចំជាអាហារ ឫលក់បន្ត ត្រូវអនុវត្តអនាម័យក្នុងការ បោចរោម និង ចំអិនជាប់ជានិច្ច ។ សូមរំលឹកថា ចាប់តាំងពីឆ្នាំ ២០០៥ ដល់ ២០១៤ ក្នុងប្រទេសយើងធ្លាប់កើតមានជំងឺផ្តាសាយបក្សី ដែលបានឆ្លងពីសត្វបក្សីមកមនុស្សចំនួន៥៦ករណីដែលក្នុង នោះ ៣៧ ករណីបានស្លាប់ ។ ដោយឡែកគ្រាន់តែឆ្នាំ ២០១៣ មានឆ្លងលើមនុស្សចំនួន ២៦ករណី ដែលក្នុងនោះមាន ១៤ករណីបានស្លាប់ និង ក្នុងឆ្នាំ២០១៤ មាន ៩ករណី និង ៤ករណីបានស្លាប់ ។ បុគ្គលដែលមានរោគសញ្ញាគ្រុនក្តៅ លើសពី ៣៨.៥ អង្សារសេ និងមានរោគសញ្ញា ក្អក ឬ ឈឺក ឬ ដកដង្ហើម ហត់ និងមានប្រវត្តិប៉ះពាល់ជាមួយបក្សីឈឺ ឬងាប់ ក្នុងកំឡុងពេល ៧ ថ្ងៃមុនចេញរោគសញ្ញា ចាត់ទុកថាជាករណីសង្ស័យ ត្រូវបញ្ចូនអ្នកជំងឺ ទៅមណ្ឌល់សុខភាព ឬមន្ទីរពេទ្យជិតបំផុតដើម្បីធ្វើការព្យាបាល យើងមានឱសថសំរាប់ព្យាបាលជំងឺនេះ ។
- ពត៌មានបន្ថែមសូម ទាក់ទងទូរស័ព្ទលេខ ១១៥ ។
- សូមទស្សនាភាពយន្តខ្លី អំពីសារអប់រំអំពីការបង្ការជំងឺផ្តាសាយបក្សី ជូនភ្ជាប់មកជាមួយនេះ ។
អ្នកនាំពាក្យក្រសួងសុខាភិបាល

H5N1 vdo14 Mar 17

Date: 08/Mar/2017

នៅថ្ងៃទី ០៨ មិនា ២០១៧ វេជ្ជបណ្ឌិត លី សូវ៉ាន់ ប្រធាននាយកដ្ឋានប្រយុទ្ធនឹងជំងឺឆ្លង បានធ្វើការពិនិត្យ ព្យាបាលជំងឺត្រចៀក នៅមន្ទីរពេទ្យព្រះអង្គឌួង ដែលមានការយកចិត្តទុកដាក់ខ្ពស់ពីគ្រូពេទ្យជំនាញឯកទេសព្យាបាល ត្រចៀក ច្រមុះ និងបំពង់ក និងមានប្រជាពលរដ្ឋជាច្រើនអ្នកកំពុងរងចាំតាមលេខរៀងព្យាបាលយ៉ាងច្រើនកុះករ និងមានការកត់ត្រារក្សាទុកពត៌មានអ្នកជំងឺដោយប្រព័ន្ទកំព្យូទ័រ ។ ទោះបីថ្ងៃ ៨ មិនា ជាថ្ងៃឈប់សំរាក តែគ្រូពេទ្យយើងមិនបាន សំរាកទេ ។

Angduong Hosp 03 2017 1.sm   Angduong Hosp 03 2017 2.sm  

Date: 01/Mar/2017

new វគ្គបណ្តុះបណ្តាល អេពីដេមីសាស្ត្រអនុវត្តឆ្នាំ ២០១៧ រយៈពេល៤សប្តាហ៍ សំរាប់មន្ត្រីនៃមន្ទីរសុខាភិបាល ស្រុកប្រតិបត្តិរាជធានី-ខេត្ត បំពេញការងារទាក់ទងនឹង ប្រព័ន្ធតាមដាមជំងឺឆ្លង។

សំរាប់ពត៌មានលំអិត និង ពាក្យសុំចូលរៀន សូមទាញយក៖  Announcement (PDF)  |  Application_form