Date: 25-September-2023
ព័ត៌មានបន្ថែមសូមទាក់ទងលេខ ១១៥
Date: 23-September-2023
យេីងបានរកឃេីញកុមារី អាយុ ៧ឆ្នាំ ឆ្លងជំងឺ ហ្ស៊ីកា ដែមានអាស័យដ្ឋាន រស់នៅភូមិពពេជ ឃុំចុងដូង ស្រុកបារាយណ៍ ខេត្តកំពង់ធំ។- កុមារីបានចូលសម្រាក នៅមន្ទីរពេទ្យបង្អែកបារាយណ៍ សន្ទុក នៅថ្ងៃទី១៨ ខែកញ្ញា ឆ្នាំ២០២៣ វេលាម៉ោង ១៨ម៉២៥នាទី នៅផ្នែកសង្គ្រោះបន្ទាន់កុមារ។
- រោគសញ្ញាដំបូង៖ នៅថ្ងៃទី១៨ ខែកញ្ញា ឆ្នាំ២០២៣ ក្តៅខ្លួនខ្លាំង មានក្អួត និងរាក បន្ទាប់ពីគ្រូពេទ្យបានព្យាបាល កុមារីបានធូរស្បើយ លែងមានក្អួតទៀត គ្រូពេទ្យបានធ្វើតេស្តរហ័សគ្រុនឈាម តែលទ្ធផលអវិជ្ជមាន។
- នៅថ្ងៃទី១៩ ខែកញ្ញា ឆ្នាំ២០២៣ បានយកវត្ថុវិភាគ ផ្ញើរទៅវិទ្យាស្ថានប៉ាស្ទ័រ នៅថ្ងៃទី២០ ខែកញ្ញា ឆ្នាំ២០២៣ និងលទ្ធផលចេញនៅថ្ងៃទី២១ ខែកញ្ញា ឆ្នាំ២០២៣ វិជ្ជមានហ្សីកា ។
ជំងឺហ្ស៊ីកា (Zika Virus)
មេរោគ Zika ត្រូវបានចម្លងជាចម្បង ដោយមូសប្រភេទ Aedes ដែលខាំភាគច្រើននៅពេលថ្ងៃ។
មនុស្សភាគច្រើន ដែលមានការឆ្លងមេរោគ Zika មិនមានរោគសញ្ញាទេ។ អ្នកដែលមានរោគសញ្ញាជាធម្មតា រួមមានកន្ទួល គ្រុនក្តៅ រលាកសន្លាក់ ឈឺសាច់ដុំ និងសន្លាក់ ឈឺក្បាល និងឈឺក្បាលដែលមានរយៈពេល 2-7 ថ្ងៃ។
ការឆ្លងមេរោគ Zika អំឡុងពេលមានផ្ទៃពោះ អាចបណ្តាលឱ្យទារកកើតមកមាន microcephaly (ទារកក្បាលតូច) និងភាពមិនប្រក្រតី ពីកំណើតផ្សេងទៀត ក៏ដូចជាការកើតមិនគ្រប់ខែ និងការរលូតកូន។
មន្រ្តីក្រុមឆ្លេីយតបបន្ទាន់គ្រប់ជាន់ថ្នាក់ និងមន្ត្រីជំនាញ ពីនាយកដ្ឋានប្រយុទ្ធនឹងជំងឺឆ្លង កំពុងចុះទប់ស្កាត់ការរីករាលដាល និងអង្គេតស្រាវជ្រាវរកប្រភពចម្លង ដេីម្បីទប់ស្កាត់ឱ្យមានប្រសិទ្ធភាពខ្ពស់ ។
សូមបងប្អូនទាំងអស់បង្ការកុំឱ្យមូសខាំ ជាពិសេសកុមារតូច នងស្រ្តីមានផ្ទៃពោះ និងធ្វេីអនាម័យជុំវិញផ្ទះ ក្នុងករណីមានរោគសញ្ញាដូចខាងលេី សូមអញ្ជេីញទៅពិគ្រោះជំងឺនៅមណ្ឌលសុខភាព និងមន្ទីរពេទ្យ ។
ព័ត៌មានបន្ថែមសូមទាក់ទងលេខ ១១៥
សេចក្តីជូនព័ត៌មាន ស្តីពីវិធានការការពារសុខភាព ក្នុងអំឡុងពេលពិធីបុណ្យកាន់បិណ្ឌ និងភ្ជុំបិណ្ឌ ឆ្នាំ២០២៣
Date: 20-September-2023
ព័ត៌មានបន្ថែមសូមទាក់ទងលេខ ១១៥
Date: 18-September-2023
គណៈប្រតិភូក្រសួងសុខាភិបាលចំនួនពីររូប ដឹកនាំដោយ លោកជំទាវវេជ្ជបណ្ឌិត យក់ សម្បត្តិ រដ្ឋលេខាធិការក្រសួងសុខាភិបាល និងឯកឧត្តមវេជ្ជបណ្ឌិត លី សូវ៉ាន់ ទីប្រឹក្សាក្រសួង និងជាប្រធាន នាយកដ្ឋានប្រយុទ្ធនឹងជំងឺឆ្លង ព្រមទាំងប្រតិភូ មកពីធនាគារពភពលោកកម្ពុជា បានចូលរួមវេទិកាអាស៊ី-ប៉ាស៊ីហ្វិក សម្រាប់បង្ការ និងឆ្លើយតបជំងឺរាតត្បាតជាសកល ដែលបានប្រព្រឹត្តទៅនៅថ្ងៃទី១៨ ដល់២០ ខែកញ្ញា ឆ្នាំ២០២៣ នៅទីក្រុងបាងកក ប្រទេសថៃ។
គោលបំណងនៃវេទិកានេះ គឺសំដៅលើកកំពស់ចំណេះដឹងទូទៅ និងដកពិសោធន៍ល្អៗ ទាំងឡាយរបស់ប្រទេសនានា ក្នុងការត្រៀមលក្ខណ: និងឆ្លើយតបទៅនឹងជំងឺកូវីដ-១៩ ជាដំណាក់ៗ និងដកយកពិសោធន៍ល្អៗទាំងនោះ ដើម្បីត្រៀមលក្ខណ:ឆ្លើយតប ជំងឺរាតត្បាតសកលនៅពេលអនាគត។
ក្នុងវេទិកានេះដែរ គណ:ប្រតិភូទាំងអស់ បានផ្លាស់ប្តូរដកពិសោធន៍ ចំណេះដឹងថ្មីៗ ដោយពិនិត្យឡើងវិញ និងសិក្សាពីគ្នាទៅវិញទៅមក ដើម្បីរៀបចំអោយបានជាដៃគូប្រសិទ្ធភាព សម្រាប់សហការគ្នាក្នុងពេលអនាគត និងរៀបចំផែនការផ្សេងៗ ត្រៀមឆ្លើយតបជំងឺរាតត្បាតសកល ទៅអនាគតខាងមុខ។
Date: 17-September-2023
ខ្ញុំបាទប្រធាននាយកដ្ឋាន និងមន្រ្តីនាយកដ្ឋានទាំងអស់ សូមសម្តែងការអបអរសាទរ យ៉ាងក្រៃលែងជាទីបំផុត ក្នុងឱកាស គណៈកម្មាធិការបេតិកភណ្ឌពិភពលោក នៃអង្គការយូណេស្កូ ក្នុងសម័យប្រជុំលើកទី៤៥ នៅទីក្រុងរីយ៉ាដ ប្រទេសអារ៉ាប៊ីសាអូឌីត បានសម្រេចបញ្ចូលរមណីយដ្ឋាន ប្រាសាទកោះកេរ របស់ខ្មែរ ជាសម្បត្តិបេតិកភណ្ឌពិភពលោក។
