សិក្ខាសាលាពិនិត្យឡើងវិញស្តីពី ការអង្កេត និងឆ្លើយតបទៅនឹងការផ្ទុះជំងឺ បណ្តាលមកពីការពុលសារធាតុមេតាណុល

Date: 29-March-2023
 
សិក្ខាសាលាពិនិត្យឡើងវិញស្តីពី ការអង្កេត និងឆ្លើយតបទៅនឹងការផ្ទុះជំងឺ បណ្តាលមកពីការពុលសារធាតុមេតាណុល នៅខេត្តកំពង់ចាម ជាឳកាសមួយដើម្បីពង្រឹងការត្រៀមខ្លួន ឆ្លើយតបទៅនឹងការផ្ទុះជំងឺ នាពេលអនាគត ដែលប្រារព្ធនៅ ថ្ងៃពុធ ៨ កើត ដល់ ថ្ងៃ ព្រហស្បតិ៍ ៩ កើត ខែចេត្រ ឆ្នាំខាល ចត្វាស័ក ពស ២៥៦៦
ត្រូវនឹងថ្ងៃទី២៩-៣០ ខែមីនា ឆ្នាំ២០២៣ នៅសណ្ឋាគារដ្រហ្គន រ៉ូយ៉ាល់ ខេត្តសៀមរាម។ សិក្ខាសាលានេះបានផ្តល់កិត្តិយស ជាគណៈអធិបតិដោយ ឯកឧត្តមវេ្ជបណ្ឌិត លី សូវ៉ាន់ ទីប្រឹក្សាក្រសួងសុខាភិបាល និងជាប្រធាននាយកដ្ឋានប្រយុទ្ធនឹងជំងឺឆ្លង និងឯកឧត្តម លោកជំទាវ លោក លោកស្រីមកពីក្រសួងស្ថាប័នពាក់ព័ន្ធនានាដូចជា៖
1. ក្រសួងកសិកម្ម រុក្ខប្រមាញ់ និងនេសាទ
2. ក្រសួងឧស្សាហកម្ម វិទ្យាសាស្រ្ត បច្ចេកវិទ្យា និង នវានុវត្តន៍
3. ក្រសួងពាណិជ្ជកម្ម
4. ក្រសួងទេសចរណ៍
5. ក្រសួងសេដ្ឋកិច្ច និងហិរញ្ញវត្ថុ
6. អាជ្ញាធរនៃរដ្ឋបាលខេត្តកំពង់ចាម និងរដ្ឋបាលស្រុកស្ទឹងត្រង់
7. មជ្ឈមណ្ឌលជាតិពិសោធន៍សុខាភិបាល (NHQC), វិទ្យាស្ថានជាតិសុខភាពសាធារណៈ NIPH
8. វិទ្យាស្ថានប៉ាស្ទ័រកម្ពុជា
9. មន្ទីរពាក់នានានៃរដ្ឋបាលខេត្តកំពង់ចាម
10. អង្គការសុខភាពពិភពលោក និងដៃគូរពាក់ព័ន្ធនានា។
 
សិក្ខាសាលានេះមានគោលបំណងដូចជា៖
1. ដើម្បីកំណត់ពីចំណុចខ្លាំង និងចំណុចខ្វះខាតក្នុងកិច្ចសហការពហុវិស័យ អំឡុងពេលស៊ើបអង្កេត និងឆ្លើយតបចំពោះការពុលសារធាតុមេតាណុល នៅស្រុកស្ទឹងត្រង់ ខេត្តកំពង់ចាម ដើម្បីអភិវឌ្ឍន៍ជំហានជាក់ស្តែង និងសកម្មភាពសម្រាប់ការកែលម្អ ប្រព័ន្ធដែលមានស្រាប់ និងនីតិប្រតិបត្តិស្តង់ដារអន្តរវិស័យ សម្រាប់ការអង្កេត និងឆ្លើយតបទៅនឹងការពុលជំងឺ បណ្តាលមកពីម្ហូបអាហារ (SoP)
2. ដើម្បីផ្តល់នូវសកម្មភាព ដែលបានណែនាំសម្រាប់ការធ្វើឱ្យប្រសើរឡើង នាពេលអនាគតនៃការបង្ការ និងឆ្លើយតបការផ្ទុះនៃសារធាតុមេតាណុល
3. ដើម្បីពង្រឹងសមត្ថភាព ត្រៀមលក្ខណៈនៅថ្នាក់ក្រោមជាតិ សម្រាប់គ្រោះបន្ទាន់សុខភាពសាធារណៈ នាពេលអនាគត រួមទាំងជំងឺកូវីដ-១៩
Methanl seminar KPG 032023 big1

មនុស្ស 5 នាក់បានស្លាប់​ នៅក្នុងប្រទេសតង់ហ្សានី ក្នុងទ្វីបអាហ្វ្រិក​ ដោយសារជំងឺបង្កដោយមេរោគ Marburg

Date: 22-March-2023
 
អង្គការសុខភាពពិភពលោក (WHO) បាននិយាយកាលពីថ្ងៃអង្គារថា មនុស្ស 5 នាក់បានស្លាប់​ នៅក្នុងប្រទេសតង់ហ្សានី ក្នុងទ្វីបអាហ្វ្រិក​ ដោយសារជំងឺបង្កដោយមេរោគ Marburg នៅក្នុងតំបន់ Kagera ភាគពាយ័ព្យរបស់ប្រទេសនេះ​ ។
រោគសញ្ញារួមមាន ក្តៅខ្លួន​ ឈឺក្បាលខ្លាំង ក្អួត ហូរឈាម និងខ្សោយតំរងនោម​ ស្រដៀងជំងឺ​ Ebola ។
WHO បាននិយាយថា “៥ ករណីក្នុងចំណោម ៨ ករណី រួមទាំងបុគ្គលិកសុខាភិបាលម្នាក់បានស្លាប់ ហើយ ៣ នាក់ទៀតកំពុងទទួលការព្យាបាល” ។​ អ្នកប៉ះពាល់សរុបចំនួន 161 ត្រូវបានកំណត់អត្តសញ្ញាណ និងកំពុងតាមដានសុខភាព​ ។ WHO បាននិយាយថា ខ្លួនកំពុងគាំទ្រ ដល់ក្រសួងសុខាភិបាល របស់ប្រទេសនេះ ក្នុងការដាក់ពង្រាយក្រុមឆ្លេីយតបបន្ទាន់ ទៅកាន់ Kagera ដើម្បីធ្វើការអង្កេតរោគរាតត្បាតបន្ថែមទៀត​ ។
មិនទាន់មានវ៉ាក់សាំង ឬថ្នាំព្យាបាលមេរោគនេះនៅឡើយទេ។
មេរោគនេះត្រូវបានចម្លងទៅមនុស្ស ពីប្រចៀវផ្លែឈើនៅអាហ្រ្វិក​ ហើយរីករាលដាល ក្នុងចំណោមមនុស្សតាមរយៈការប៉ះពាល់ផ្ទាល់ ជាមួយទឹកសរីរាង្គ បុគ្គលដែលមានមេរោគ​ (ទឹកមាត់,​ សំបោរ​,​ ស្លេះ,​ ទឹកភ្នែក,​ ទឹកនោម,​ លាមក,​ ញេីស,​ ឈាម,​ ទឹករងៃ)​ លេីផ្ទៃមានទឹកសរីរាង្គ និងសម្ភារៈ​មានប្រលាក់ទឹកសរីរាង្គ​ ។
ករណីសង្ស័យ:​ បុគ្គលដែលមានរោគសញ្ញា​ ក្តៅខ្លួន​ ឈឺក្បាលខ្លាំង ក្អួត ហូរឈាម និងខ្សោយតំរងនោម​ និងមានប្រវត្តិមកពីប្រទេសអាហ្វ្រិក​ ជាពិសេសប្រទេស​ តង់ហ្សានី​ ក្នុងកំឡុងពេល​ ២១ថ្ងៃ​ មុន​ ។
 
ព័ត៌មាន​បន្ថែម​សូម​ទាក់ទង​លេខ​ ១១៥
Marburg virus 032023

សិក្ខាសាលាស្ដីពី ការគ្រប់គ្រងឲ្យកាន់តែប្រសើរឡើង នូវសន្តិសុខជីវសាស្រ្តក្នុងតំបន់អាស៊ីអាគ្នេយ៍

Date: 14-March-2023

សិក្ខាសាលាស្ដីពី ការគ្រប់គ្រងឲ្យកាន់តែប្រសើរឡើង នូវសន្តិសុខជីវសាស្រ្តក្នុងតំបន់អាស៊ីអាគ្នេយ៍ នៃគម្រោងលេខ៨១ របស់មជ្ឈមណ្ឌលឧត្តមភាព កាត់បន្ថយហានិភ័យ នៃផ្នែកគីមី ជីវសាស្ត្រ វិទ្យុសកម្ម និងនុយក្លេអ៊ែរ របស់សហភាពអឺរ៉ុប(EU CBRN CoE project81-BIOSEC) ដោយមានការចូលរួម ជាគណៈអធិបតី បើកសិក្ខាសាលាដោយ លោកវេជ្ជបណ្ឌិត​ លី សូវ៉ាន់​ ជាទីប្រឹក្សា​ ជាអ្នកនាំពាក្យ និងជានាយក នាយកដ្ឋានប្រយុទ្ធនឹងជំងឺឆ្លង​ នៃក្រសួងសុខាភិបាល និងពីមន្រ្តីជំនាញ មកពីសហភាពអឺរ៉ុប​ និងព្រមទាំងមានការចូលរួម ពីមន្រ្តីជំនាញនៃស្ថាប័នពាក់ព័ន្ធ នៃព្រះជាណាចក្រកម្ពុជា​ ។

032023 project81 BIOSEC sm1   032023 project81 BIOSEC sm2   032023 project81 BIOSEC sm3   

កម្ពុជាជាប្រទេសដំបូងគេ នៅក្នុងតំបន់ប៉ាស៊ីហ្វិកខាងលិច ដែលបានទទួលការបណ្តុះបណ្តាល ក្នុងការឆ្លើយតបទៅនឹងការរីករាលដាល នៃមេរោគ #AMR នៅក្នុងមន្ទីរពេទ្យ

Date: 08-March-2023

ជាមួយនឹងការកើនឡើង នៃឱសថប្រឆាំងមេរោគ យើងមានមោទនភាព ដែលព្រះរាជាណាចក្រកម្ពុជា គឺជាប្រទេសដំបូងគេនៅក្នុង តំបន់ប៉ាស៊ីហ្វិកខាងលិច ដែលបានទទួលការបណ្តុះបណ្តាល ក្នុងការឆ្លើយតបទៅនឹងការរីករាលដាលនៃមេរោគ #AMR នៅក្នុងមន្ទីរពេទ្យ។
អ្នកជំនាញផ្នែកសុខភាពនៅកម្ពុជា (រួមទាំងគ្រូពេទ្យ អ្នកជំនាញការពារ និងគ្រប់គ្រងការឆ្លងមេរោគ អ្នកបច្ចេកទេសមន្ទីរពិសោធន៍ មីក្រូជីវវិទូ និងអ្នកជំនាញរោគរាតត្បាតនៅមន្ទីរពេទ្យ) មកពី៨មន្ទីរពេទ្យ និង អ្នកជំនាញផ្នែកសុខភាពសាធារណៈ ចំនួន៥នាក់មកពីថ្នាក់​កណ្តាល​ បាន​ចូល​រួម​ក្នុង​សិក្ខាសាលា​ បណ្តុះបណ្តាល​គ្រូ​បង្គោល​ នៅ​ខេត្ត​សៀមរាប​កាល​ពី​ខែ​មុន។
ក្រសួងសុខាភិបាល មានសេចក្តីសោមនស្សរីករាយ ក្នុងការចាប់ដៃគូជាមួយអង្គការសុខភាពពិភពលោក ដើម្បីពង្រឹងសមត្ថភាពរបស់យើង ក្នុងការឆ្លើយតបទៅនឹងការរាតត្បាត របស់ឱសថប្រឆាំងមេរោគ #AMR នៅកម្ពុជា ដែលនឹងជួយសង្រ្គោះជីវិតមនុស្ស នាពេលអនាគត។
With #AntimicrobialResistance growing, we are proud that the Kingdom of Cambodia was the first country in the Western Pacific Region to receive @WorldHealthOrganization training in responding to outbreaks of #AMR pathogens in hospitals.
Cambodian health experts (including physicians, infection prevention and control experts, lab technicians, microbiologists and hospital epidemiologists) from 8 hospitals and 5 public health experts from the central level took part in the train-the-trainer workshop in Siem Reap last month.
The Ministry of Health is pleased to partner with WHO to strengthen our capacity to respond to #AMR outbreaks in Cambodia that will help save lives in the future.
 
amr seminar 032023 sm1   amr seminar 032023 sm2   amr seminar 032023 sm3   
 

បច្ចុប្បន្ន​ភាពថ្ងៃទី២ ខែមីនា ឆ្នាំ២០២៣

Updated: 02-Mar-2023

• មកទល់ពេលនេះ ករណីឆ្លងជំងឺគ្រុនផ្តាសាយបក្សី (A/H5N1) ចំនួនពីរករណីត្រូវបានរកឃេីញនៅក្នុងប្រទេសកម្ពុជា​ ។ គ្មានករណីបន្ថែមទៀតត្រូវបានរកឃើញទេ​ ។
• ករណីទីពីរត្រូវបានព្យាបាលនៅមន្ទីរពេទ្យ និងជាសះស្បេីយចេញពីមន្ទីរពេទ្យនៅថ្ងៃទី២៨ ខែកុម្ភៈ ឆ្នាំ២០២៣ បន្ទាប់ពីលទ្ធផលអវិជ្ជមានទីបីរបស់គាត់​ ។
• រហូតមកដល់ពេលនេះ មិនទាន់រកឃេីញភស្តុតាងនៃការឆ្លងពីមនុស្សទៅមនុស្សទេ​ ។ ផ្អែកលើការស៊ើបអង្កេត ករណីទាំងពីរមានការប៉ះពាល់ជាមួយសត្វបក្សីឈឺ និងងាប់ដូចគ្នា ហើយរោគសញ្ញារបស់ពួកគេបានចាប់ផ្តើមនៅថ្ងៃតែមួយ ។
• ការវិភាគតាម​ Genome Sequencing និង phylogenetic ពីករណីទាំងពីរបានបង្ហាញថា មេរោគនេះគឺ clade 2.3.2.1c ស្រដៀងទៅនឹងមេរោគដែលកំពុងចរាចរនៅក្នុងបក្សីក្នុងស្រុក និងបក្សីព្រៃក្នុងប្រទេសកម្ពុជាចាប់តាំងពីឆ្នាំ២០១៣​ មក​ ។
ព័ត៌មាន​បន្ថែម​សូម​ទាក់ទង​លេខ​ ១១៥

An update for 02 March 2023:
• To date, two cases of avian influenza virus (A/H5N1) have been confirmed in Cambodia. No further cases have been detected.
• The second case was treated in hospital and was discharged on 28 Feb 2023 following his third negative result.
• Thus far, there is no evidence of human-to-human transmission. Based on the investigations, both cases had exposure to sick and dead poultry and their symptoms started on the same day suggesting a common exposure.
• Genome sequencing and phylogenetic analysis from both cases revealed that the virus is clade 2.3.2.1c, similar to viruses circulating in domestic poultry and wild bird populations in Cambodia since 2013.

H5N1 update 02Mar23

  1. បច្ចុប្បន្នភាព​ ថ្ងៃទី​ ២៨​ ខែ​កុម្ភៈ​ ឆ្នាំ២០២៣
  2. អង្គការសុខភាពពិភពលោក​ (WHO) បានផ្តល់ជំនួយឱសថ Tamiflu (oseltamivir) ដល់ក្រសួខសុខាភិបាល ចំនួន ៣ពាន់ដូស
  3. បច្ចុប្បន្ន​ភាព​ ថ្ងៃទី​២៥​ ខែ​កុម្ភៈ​ ឆ្នាំ២០២៣
  4. សេចក្តីជូនព័ត៌មានរបស់ក្រសួងសុខាភិបាល ស្តីពីការរកឃើញករណីទី២ នៃជំងឺផ្តាសាយបក្សី លើមនុស្សនៅព្រះរាជាណាចក្រកម្ពុជា ក្នុងខែកុម្ភៈ ឆ្នាំ២០២៣
  • Home