Date: 17/September/2019

ដើម្បីចូលរួមបង្ការសុខភាព ដែលបណ្តាលមកពី ការបរិភោគចំណីអាហារ និងពិសាស្រា នាឱកាសដែលបងប្អូនប្រជាពលរដ្ឋ
អញ្ជើញចូលរួមក្នុងពីធីកាន់បិណ្ឌ និងភ្ជុំបិណ្ឌ ដែលប្រព្រឹត្តទៅចាប់ពីថ្ងៃទី១៤ ដល់ថ្ងៃទី២៨ ខែកញ្ញា ឆ្នាំ២០១៩ នេះ ក្រសួងសុខាភិបាល នៃព្រះរាជាណាចក្រកម្ពុជា សូមអំពាវនាវដល់សាធារណជន ទាំងអស់ឲ្យចូលរួម អនុវត្តវិធានការបង្ការ ដើម្បីសុខភាពល្អ ចៀសផុតពីបញ្ហាសុខភាព បណ្តាលមកពីការបរិភោគ ចំណីអាហារ ដែលនាំឲ្យក្អួត រាក និងការពិសាស្រានិងជំងឺឆ្លងផ្សេងៗ ដែលបង្កឡើង ដោយចំណីអាហារ គ្មានអនាម័យ ឬទឹកកខ្វក់ ដែលមានមេរោគ បាក់តេរី វីរុស ប៉ារ៉ាស៊ីត ឬសារធាតុគីមី ។
សូមអាចសេចក្តីជូនព័ត៌មាន របស់ក្រសួងសុខាភិបាល ទាំងស្រុងដូចបានភ្ជាប់មកជាមួយស្រាប់។...
 
PDF Doc1 
 

Date: 16/September/2019

Food poisioning115ដើម្បីចូលរួមបង្ការសុខភាព ដែលបណ្តាលមកពីការបរិភោគ ចំណីអាហារ និងពិសាស្រា នាឱកាសដែលបងប្អូនប្រជាពលរដ្ឋ អញ្ជើញចូលរួមក្នុងពីធីកាន់បិណ្ឌ និងភ្ជុំបិណ្ឌដែលប្រព្រឹត្តទៅចាប់ពីថ្ងៃទី១៤ ដល់ថ្ងៃទី២៨ ខែកញ្ញា ឆ្នាំ២០១៩ នេះ ក្រសួងសុខាភិបាល នៃព្រះរាជាណាចក្រកម្ពុជា សូមអំពាវនាវ ដល់សាធារណជនទាំងអស់ ឲ្យចូលរួម អនុវត្តវិធានការបង្ការ ដើម្បីសុខភាពល្អ ចៀសផុតពីបញ្ហាសុខភាព បណ្តាលមកពីការបរិភោគ ចំណីអាហារ ដែលនាំឲ្យក្អួត រាក និងការពិសាស្រានិងជំងឺឆ្លងផ្សេងៗ ដែលបង្កឡើងដោយចំណីអាហារ គ្មានអនាម័យ ឬទឹកកខ្វក់ ដែលមានមេរោគ បាក់តេរី វីរុស ប៉ារ៉ាស៊ីត ឬសារធាតុគីមី ។

ការពុលចំណីអាហារ ភាគច្រើនបណ្តាលមកពី ការរៀបចំអាហារមិនមានអនាម័យល្អ ទាំងក្នុងចំណីអាហារ និងអ្នករៀបចំទុកដាក់ និងការចែកចាយចំណីអាហារ និងការពិសាស្រា ដែលបានផលិត ឬបានបិត ដោយមិនមានលក្ខណៈបច្ចេកទេសត្រឹមត្រូវ ។ រោគសញ្ញា ដែលបណ្តាលឲ្យពុលចំណីអាហារ មានដូចជា ក្អួត ចង្អោរ រាក រាកមួល ដែលអាចគ្រោះថ្នាក់ដល់ អាយុជីវិតបាន ។ ការពុលស្រាបណ្តាលឲ្យមាន រោគសញ្ញាដូចជា ឈឺក្បាល ក្អួត ឈឺពោះ វិលមុខ ងងឹតភ្នែក សន្លប់ ប្រកាច់ ពិបាកដកដង្ហើម និងអាចវិវត្តទៅស្លាប់បាន ។ លទ្ធផលវិភាគសំណាកស្រាស ដែលទទួលបានពីទីកន្លែង ដែលកើតហេតុរបស់មន្ទីរពិសោធន៍ជាតិ នៃក្រសួងសុខាភិបាលបានរកឃើញថា ស្រាស ឬស្រាថ្នាំ ដែលបងប្អូនប្រជាពលរដ្ឋ បានពិសាក្នុងតំបន់ដែលកើតហេតុនាពេលកន្លងមក មានសារជាតិមេតាណុលកម្រិតខ្ពស់ ដែលធ្វើឱ្យពុល។ ដូច្នេះ សូមបងប្អូនប្រជាពលរដ្ឋ បញ្ឈប់ជាបន្ទាន់នូវការបរិភោគ ស្រាស ឬស្រាថ្នាំ ដែលទិញពីប្រភពមិនច្បាស់លាស់ និងដែលផលិតដោយគ្មានការត្រួតពិនិត្យត្រឹមត្រូវ។​

Read more: សេចក្តីជូនព័ត៌មាន របស់នាយកដ្ឋានប្រយុទ្ធនឹងជំងឺឆ្លង​ ស្តីពី ការបង្ការបញ្ហាសុខភាព...

Date: 10/August/2019

ការផ្តល់សេវាជាប្រចាំ ដល់ការពិនិត្យផ្ទៃពោះ ការចាក់វ៉ាក់សាំងកុមារ៖

ទោះជាមានទឹកជំនន់ក្តី មន្រ្តីសុខាភិបាល នៅតែបន្តផ្តល់សេវាជាប្រចាំ ដល់ការពិនិត្យផ្ទៃពោះ ការចាក់វ៉ាក់សាំងកុមារ នៅមណ្ឌលសុខភាព និងនៅទីទទួលសុវត្ថិភាព ។ នាយកដ្ឋានប្រយុទ្ធនឹងជំងឺឆ្លង សូមផ្ញើជូននូវសារអប់រំ ទាក់ទងនឹងការទៅពិនិត្យផ្ទៃពោះ និងចាក់ថ្នាំបង្ការកុមារ ដូចនៅខាងក្រោមនេះ ។ ពត៌មានបន្ថែម ឬរាយការជំងឺរាតត្បាត ឬកើតឡើងច្រើនខុសធម្មតា សូមទាក់ ទងទូរស័ព្ទទាន់ហេតុការលេខ ១១៥ ដោយមិនគិតថ្លៃពីគ្រប់ប្រព័ន្ធ ។

Vdo picture1


សារអប់រំ ទាក់ទងនឹងការបង្ការ ការលង់ទឹក៖

ដោយយោងទៅលើ សេចក្តីប្រកាសពត៌មាន របស់ក្រសួងជំនាញ អំពីខេត្តមួយចំនួន នឹងប្រឈមមុខនឹងខ្យល់ព្យុះ អាចបណ្តាលឲ្យធ្លាក់ភ្លៀងខ្លាំង និងបង្កឲ្យមានទឹកលិច និងទឹកជំនន់ភ្លាមៗ ។ នាយកដ្ឋានប្រយុទ្ធនឹងជំងឺឆ្លង សូមផ្ញើជូននូវសារអប់រំ ទាក់ទងនឹងការបង្ការការ លង់ទឹកនៅខាងក្រោមនេះ ។ ពត៌មានបន្ថែម ឬរាយការជំងឺរាតត្បាត ឬកើតឡើងច្រើនខុសធម្មតាសូមទាក់ ទងទូរស័ព្ទទាន់ហេតុការលេខ ១១៥ ដោយមិនគិតថ្លៃពីគ្រប់ប្រព័ន្ធ ។

Vdo picture1


សារអប់រំ ទាក់ទងនឹងការបង្ការ ពស់ចឹក និងការព្យាបាលបន្សាបពិស៖

ពេលមានទឹកជំនន់ បងប្អូនអាចប្រឈមនឹង គ្រោះថ្នាក់ពស់ចឹក ។ នាយកដ្ឋានប្រយុទ្ធនឹងជំងឺឆ្លង សូមផ្ញើជូននូវសារអប់រំ ទាក់ទងនឹងការបង្ការ ពស់ចឹក និងការព្យាបាលបន្សាបពិស នៅខាងក្រោមនេះ ។ ពត៌មានបន្ថែម ឬរាយការជំងឺរាតត្បាត ឬកើតឡើងច្រើនខុសធម្មតា សូមទាក់ ទងទូរស័ព្ទទាន់ហេតុការលេខ ១១៥ ដោយមិនគិតថ្លៃពីគ្រប់ប្រព័ន្ធ ។

Vdo picture1

 

new Date: 10/August/2019

វគ្គបណ្តុះបណ្តាល អេពីដេមីសាស្រ្តអនុវត្តជួរមុខ ឆ្នាំ២០១៩ រយៈពេល៣ខែ ចំនួន ២០នាក់ សម្រាប់មន្ត្រីនៃ មន្ទីរសុខាភិបាលរាជធានី-ខេត្ត ស្រុកប្រតិបត្តិ ដែលបំពេញការងារទាក់ទងនឹង ប្រព័ន្ធតាមដានជំងឺឆ្លង និងឆ្លើយតបទៅនឹងជំងឺរាតត្បាត។ ការទទួលពាក្យសុំចូលរៀន នឹងចាប់ផ្តើមពីថ្ងៃផ្សព្វផ្សាយនេះ រហូតដល់ថ្ងៃទី ០៤ ខែកញ្ញា ឆ្នាំ២០១៩ ម៉ោង ០៥ ល្ងាច។ ការបរិច្ជេទនៃការចូលរៀន វគ្គបណ្តុះបណ្តាលនេះ គឺចាប់ពីថ្ងៃទី ៣០ ខែកញ្ញា ឆ្នាំ២០១៩ នៅនាយកដ្ខានប្រយុទ្ធនឹងជំងឺឆ្លង នៃក្រសួងសុខាភិបាល។ រាល់ការចំណាយក្នុងការបណ្តុះបណ្តាល ជាបន្ទុករបស់ អង្គការសុខាភាពពិភពលោក។

- Letter_of_Frontline_FETP_2019.pdf

- Frontlint-FETP-Application-Form-2019.docx

- លិខិតអនុញ្ញាតពីមន្ទីរសុខាភិបាលរាជធានី-ខេត្ត.docx

- លិខិតគាំទ្រពីអង្គភាពបំរើការងារ.docx