នៅថ្ងៃទី០៩ ខែកញ្ញា ឆ្នាំ ២០១៦ លោកវេជ្ជបណ្ឌិត កែរ រដ្ឋាប្រធានមន្ទីរសុខាភិបាលខេត្តស្វាយរៀង បានទៅពិនិត្យម៉ាសុីនស្គេនកំដៅ ដែលក្រសួងសុខាភិបាលទើបតែផ្តល់ជូន និងបានពិនិត្យមើលការផ្សព្វផ្សាយ និងចែកចាយឯកសារអប់រំសុខភាពជាទំរង់ leaflet សម្រាប់ជំងឺហ្សីកា ជូនអ្នកដំណើរដែលឆ្លងចូលមកប្រទេសកម្ពុជាផងដែរ ។​ នៅច្រកក្រុងបាវិត​ ខេត្តស្វាយរៀង​ ។

ប្រជាជនទាំងអស់ត្រូវយល់ដឹងពីការការពារជំងឺហ្សីកា៖

សូមមន្ទីរសុខាភិបាលរាជធានី-ខេត្តទាំង២៥ ទាញយកឯកសារភ្ជាប់ជូនជាមួយនេះ រួច print ដើម្បីប្រើប្រាស់ក្នុងការអប់រំសុខភាព និងចែកផ្សព្វផ្សាយឲ្យប្រជាពលរដ្ឋមានការយល់ដឹងទាំងអស់គ្នា។ ​

ប្រីយមិត្តដែលប្រើប្រព័ន្ធទំនាក់ទំនងហ្វេសបុកទាំងអស់ ក៏អាចទាញយកឯកសារអប់រំសុខភាពនេះមើលបានគ្រប់ពេល ដើម្បីចូលរួមការពារជំងឺហ្សីកា ហើយជួយផ្សព្វផ្សាយទូលំទូលាយដល់ក្រុមគ្រួសារ មិត្តភ័ក្ត្រ និងសហការី-ការីនីផង។ អរគុណនូវការយកចិត្តទុកដាក់លើការការពារជំងឺហ្សីកាទាំងអស់គ្នា។

នៅវេលាព្រឹក​ ថ្ងៃទី​ ៥​ ខែកញ្ញា​ ឆ្នាំ​ ២០១៦​ នេះ​ ឯកឧត្តមរដ្ឋមន្រ្តី​ក្រសួងសុខាភិបាល​ បានចុះត្រួតពិនិត្យវិធានការបង្ការជំងឺ​ ហ្សុីកា​ (Zika)​ នៅអាកាសយានដ្ឋានអន្តរជាតិភ្នំពេញ​ និង​ សៀមរាប​ ។​ ឯកឧត្តមបានណែនាំឲ្យមន្រ្តីចត្តាឡីស័កទាំងអស់នៅអាកាសយានដ្ឋានអន្តរជាតិទាំងពីរយកចិត្តទុកដាក់ខ្ពស់បំផុតក្នុងការបង្ការនិងទប់ស្កាត់ជំងឺ ​ ហ្សីុកា​ និងជំងឺឆ្លងផ្សេងៗទៀត​ ។​ ឯកឧត្តមក៏បានកោតសសើខ្ពស់ដល់មន្រ្តី្តចត្តាឡីស័កដែលបានខិតខំខ្ពស់អស់​ ពីសមត្ថភាពដើម្បីបង្ការសុខភាពប្រជាពលរដ្ឋ​ព្រោះលោក​ លោកស្រីជាមន្ត្រីសុខភិបាលជួរមុខ​ ។

សូមបងប្អូនទស្សនាកិច្ចសន្ទនាទាក់ទងទៅនឹងចំណេះដឹងជំងឺ ហ្សុីកា (Zika)  ដូចខាងក្រោម។

ក្រសួងសុខាភិបាលនៃព្រះរាជាណាចក្រកម្ពុជា សូមជម្រាបជូនដល់សាធារណជនទាំងអស់ឲ្យបាន ជ្រាបថាមានការកើនឡើងនូវចំនួនអ្នកជំងឺហ្ស៊ីកា (Zika)នៅក្នុងតំបន់អាស៊ី មានដូចជាប្រទេសឡាវ​រកឃើញ២ករណីចន្លោះឆ្នាំ២០១២ដល់២០១៥ វៀតណាម២ករណីក្នុងឆ្នាំ២០១៦ ថៃ៩៧ករណី​ក្នុងឆ្នាំ​២០១៦ សឹង្ហបុរី១១៥ករណីក្នុងឆ្នាំ២០១៦ ម៉ាឡេស៊ី​មាន១ករណីក្នុងឆ្នាំ២០១៦។​ នៅប្រទេសកម្ពុជាចាប់ពី​ឆ្នាំ២០០៧ដល់ឆ្នាំ២០១០ រកឃើញជំងឺហ្ស៊ីកាចំនួន៧ករណី សុទ្ធតែជាសះស្បើយនិងពុំរកឃើញមាន​ករណី​កុមារមានក្បាលតូច ហើយចាប់ពីពេលនោះមកដល់បច្ចុប្បន្នពុំរក​ឃើញ​ករណីហ្ស៊ីកាទៀតទេ។ មេរោគ​​​Zikaទាំង៧ករណីនេះ ជា​មេរោគ​ក្នុងស្រុកមិនមែននាំចូល​ពីប្រទេស​ទ្វីបអាមេរិកនិងអាហ្វ្រិកទេ។

សូមអានពត៌មានពិស្តានៅ ទីនេះ