Date: 11/July/2017
គណៈប្រតិភូនាយកដ្ឋានប្រយុទ្ធនឹងជំងឺឆ្លង ក្រសួងសុខាភិបាល
បានទៅចូលរួម កិច្ចប្រជុំក្រុុមការងារជំនាញថ្នាក់តំបន់ ស្តីពីយុទ្ធសាស្ត្រប្រយុទ្ធនឹងជំងឺឆ្លងថ្មីៗ នៅក្នុងតំបន់អាសុីប៉ាសុីហ្វិក ដែលរៀបចំឡើងដោយ អង្គការសុខភាពពិភពលោក (WHO) ដែលមានរយៈពេល ៣ថ្ងៃ ពីថ្ងៃទី១១ ដល់ ១៣ ខែកក្កដា ឆ្នាំ២០១៧ នៅទីក្រុងម៉ានីល ប្រទេសហ្វីលីពីន។ សូមបញ្ជាក់ថា WHO បានទទួលស្គាល់ក្រសួងសុខាភិបាលកម្ពុជា ថាមានប្រព័ន្ធតាមដាន និងឆ្លើយតប និងមន្ទីរពិសោធន៏ប្រកបដោយប្រសិទ្ធិភាពខ្ពស់ ក្នុងការឆ្លើយតបទៅនឹងជំងឺរាតត្បាត និងសំណូមពរឲ្យបន្តពង្រឹងសមត្ថភាពនេះ បន្តទៀត ជាពិសេសជំងឺឆ្លងរាតត្បាត ដែលមានទំហំធំ។
Date: 06/July/2017
គណៈប្រតិភូកម្ពុជា ដឹកនាំដោយឯកឩត្តមសាស្រ្តាចារ្យ អេង ហួត រដ្ឋលេខាធិការក្រសួងសុខាភិបាល ដែលមានសមាជិកគណៈប្រតិភូមកពី ក្រសួងសុខាភិបាល តំណាងក្រសួងសេដ្ឋកិច្ច និងហិរញ្ញវត្ថុ និងអាជ្ញាធរជាតិប្រយុទ្ធនឹងជំងឺអេដស៏ បានចូលរួមសិក្ខាសាលាក្នុងមហាអនុតំបន់ទន្លេមេគង្គ គាំទ្រថវិកាដោយធនាគារអភិវឌ្ឍន៏អាសុី ដែលមានរយៈពេល៣ថ្ងៃ ចាប់ពីថ្ងៃទី៤ ដល់ទី៧ ខែកក្កដា ឆ្នាំ២០១៧ ។ មានកិច្ចប្រជុំចំនួន៣ ក្នុងរយៈពេល៣ថ្ងៃនេះ
ទី១ កិច្ចប្រជុំក្រុមការងារទាក់ទងនឹង ការពង្រឹងសមត្ថភាពធនធានមនុស្ស
ទី២ កិច្ចប្រជុំក្រុមការងារពង្រឹងកិច្ចសហប្រតិបត្តិការ សុខភាពសាធារណៈនៅតាមព្រំដែនប្រទេសជិតខាង
ទី៣ ពិធីអបអរសាទរបើកគំរោងសន្តិសុខសុខភាព នៃប្រទេសក្នុង មហាអនុតំបន់ទន្លេមេគង្គ
សូមបងប្អូនចូលរួមទាំងអស់គ្នាក្នុងការបំបាត់ជំរកដង្កូវទឹក ការពារកូនកុំឲ្យមូសខាំ និងនាំកូនទៅពេទ្យជាបន្ទាន់បើសង្ស័យថាមានជំងឺគ្រុនឈាម ។ បើបងប្អូនឃើញជំងឺគ្រុនក្តៅច្រើនខុសធម្មតាក្នុងភូមិ ក្នុងមូលដ្ឋានបងប្អូន សូមផ្តល់ពត៌មានទៅ មន្រ្តីសុខាភិបាល នៅជិតបងប្អូនបំផុត ឫរាយការណ៏តាមលេខទូរស័ព្ទ 115 ។
Date: 23/June/2017
សូមបងប្អូនរួមគ្នា បង្ការ និងទប់ស្កាត់ កុំឲ្យមានការចំលង ជំងឺគ្រុនចាញ់ ជាពិសេសបងប្អូនដែលរស់នៅក្នុងព្រៃ និងអ្នកចំណាកស្រុក ឬបងប្អូនដែលរស់នៅចល័ត ត្រូវដេកក្នុងមុងជានិច្ច និងត្រូវរកការព្យាបាល ជាបន្ទាន់បើសង្ស័យថា មានជំងឺគ្រុនចាញ់។
Date: 19/June/2017
នៅថ្ងៃទី១៩ ខែមិថុនា ឆ្នាំ២០១៧ នៅក្នុងទីក្រុងសៀមរាប មានប្រារព្វសិក្ខាសាលាខេត្តជាប់ព្រំដែន ស្តីអំពីការគ្រប់គ្រង និងលុបបំបាត់ ជំងឺគ្រុនចាញ់ រយៈពេលពីរថ្ងៃ គឺ ថ្ងៃទី ១៩ ដល់ ២០ ខែមិថុនា ដែលមានសិក្ខាកាមមកពី ប្រទេសកម្ពុជា(ខេត្តព្រះវិហារ ស្ទឹងត្រែង និងរតនគីរី) ប្រទេសឡាវ(ខេត្តចំប៉ាសាក់) ប្រទេសថៃ(ខេត្តអ៊ូបុន និង ស៊ីសាកេត) ។
គោលបំណងនៃសិក្ខាសាលានេះគឺ៖
១) ចែករំលែកបទពិសោធន៍ពីការគ្រប់គ្រង និងលុបបំបាត់ជំងឺគ្រុនចាញ់
២) ពិភាក្សាពីយន្តការក្នុងការផ្លាស់ប្តូរពត៌មាន
៣) ពិភាក្សាពីចំនុចខ្វះខាត និងបញ្ហាប្រឈមក្នុងការធ្វើអន្តរាគមន៍ នូវប្រជាជនដែលធ្វើចំណាកស្រុក
៤) បង្កើតនូវផែនការសកម្មភាព សំរាប់ការគ្រប់គ្រងនិងលុបបំបាត់ជំងឺគ្រុនចាញ់ នៅប្រទេសកម្ពុជា ឡាវ និង ថៃ។