Date: 29/August/2017

Spot CNM៖ សូមបងប្អូនដែលធ្វើដំណើរចំណាកស្រុក ទៅរស់នៅជិតព្រៃឬក្នុងព្រៃ ឬក៏បងប្អូនធ្វើការងារចល័តចេញចូលព្រៃ ពេលបងប្អូនសង្ស័យខ្លួនថាមានជំងឺគ្រុនចាញ់ សូមបងប្អូនរកកន្លែងព្យាបាលឲ្យបានសមស្រប ដើម្បីទទួលការព្យាបាលជំងឺគ្រុនចាញ់ឆាប់ជា និងមិនខូចសុខភាព ហើយម្យ៉ាងទៀតដើម្បីកាត់បន្ថយ ការស៊ាំថ្នាំ គ្រនចាញ់ផង ។ កន្លែងព្យាបាលជំងឺគ្រុនចាញ់សមស្របរួមមាន មន្ទីរពេទ្យ មណ្ឌលសុខាភាព ប៉ុស្តិសុខភាព និងអ្នកស្ម័គ្រចិត្តភូមិព្យាបាលជំងឺគ្រុនចាញ់ ។ សូមទស្សនាភាពយន្តខ្លីអប់រំស្តីអំពីជំងឺគ្រុនចាញ់ ។ ពត៌មានបន្ថែម ឬចង់រាយការណ៏សូមទូរស័ព្ទទៅលេខ 115 ដោយមិនគិតថ្លៃពីទូរស័ព្ទគ្រប់ប្រព័ន្ធ ។

Malaria 29 08 17

Date: 24/August/2017

ប្រទេសជិតខាងយើងកំពុងមានការរាតត្បាតជំងឺគ្រុនឈាម ដើម្បីបង្ការកុំឲ្យប្រទេសយើងផ្ទុះជំងឺគ្រុនឈាម សូមបងប្អូនចូលរួមទាំងអស់គ្នា ក្នុងការបំបាត់ជំរកដង្កូវទឹក ការពារកូនកុំឲ្យមូសខាំ និងនាំកូនទៅពេទ្យជាបន្ទាន់បើសង្ស័យថាមានជំងឺគ្រុនឈាម ។ បើបងប្អូនឃើញជំងឺគ្រុនក្តៅច្រើនខុសធម្មតាក្នុងភូមិ ក្នុងមូលដ្ឋានបងប្អូន សូមផ្តល់ពត៌មានទៅមន្រ្តីសុខាភិបាល នៅជិតបងប្អូនបំផុតឫរាយការណ៏តាមលេខទូរស័ព្ទ 115 ។

Dengue 03072017

Date: 21/August/2017

ថ្ងៃទី ២១ ខែ សីហា ឆ្នាំ ២០១៧ លោកវេជ្ជ. កែវ វណ្ណៈ ប្រធានមន្ទីរសុខាភិបាលខេត្តត្បូងឃ្មុំ និងមន្រ្តីកម្មវិធីប្រយុទ្ធនឹងជំងឺគ្រុនឈាម ព្រមទាំងមន្រ្តីស្រុកប្រតិបត្តិក្រូចឆ្មារ មេភូមិ ប្រជាពលរដ្ឋ និងសិក្សានុសិស្យ បានចូលរួមផ្សព្វផ្សាយការបង្ការជំងឺគ្រុនឈាម។

Dangue 082017 1sm  Dangue 082017 2sm  Dangue 082017 3sm  Dangue 082017 4sm  Dangue 082017 5sm 

Date: 19/August/2017

Video 19 08 2017ធនាគារពិភពលោកនៅកម្ពុជា បានចុះផ្សាយក្នុងគេហទំព័ររបស់ខ្លួន បង្ហាញពីការទទួលស្គាល់ វឌ្ឍនភាពនិងដំណើររីកចម្រើននៃវិស័យសុខាភិបាលរបស់កម្ពុជា ជាពិសេសការយកចិត្តទុកដាក់ លើការគាំពារសុខភាពប្រជាជនក្រីក្រ និងជនងាយរងគ្រោះដូចជាជនចាស់ជរា និងជនពិការជាដើម។ នៅក្នុងអត្ថបទរបស់ធនាគារពិភពលោកចុះផ្សាយនៅថ្ងៃទី២៨ ខែកញ្ញា ឆ្នាំ២០១៦ កន្លងទៅនេះ បានឆ្លុះបញ្ចាំងពីការគិតគូរអំពីអនាគតរបស់កុមារកម្ពុជា ដោយបានធ្វើឲ្យមានវឌ្ឍនភាពខ្លាំង ក្នុងការថែទាំសុខភាពរបស់ពួកគេ។ អត្រាស្លាប់របស់ម្តាយ និងកុមារបានថយចុះយ៉ាងច្រើន ហើយបច្ចុប្បន្ននេះ មានមន្ទីរពេទ្យ មណ្ឌលសុខភាព និងប៉ុស្តិសុខភាពនៅទូទាំងប្រទេស កំពុងផ្តល់សេវាសុខាភិបាល ប្រកបដោយសមធ៌ម គុណធ៌ម ប្រសិទ្ធិភាព និងគុណភាពដែលប្រជាពលរដ្ឋ បាននិងកំពុងប្រើប្រាស់ដ៏ច្រើនសន្ធឹកសន្ធាប់។ ធនាគារពិភពលោកក៏បានលើកឡើងផងដែរថា ស្ថានភាពគឺពិតជាខុសប្លែកគ្នាក្នុងរយៈពេល២០ឆ្នាំកន្លងទៅ នៅពេលដែលការទទួលបានសេវាសុខភាព គឺមានជួបឧបសគ្គសម្រាប់ប្រជាជនក្រីក្រ និងអ្នករស់នៅជនបទដាច់ស្រយ៉ាល។ តាមរយៈមូលនិធិសមធម៌ ប្រជាជនក្រីក្រជាង ៣ លាននាក់ ដែលពេលនេះបានទទួលការពិនិត្យថែទាំ និងព្យាបាលដោយរដ្ឋជាអ្នកបង់ថ្លៃជួស។

Read more: ការទទួលស្គាល់នូវ វឌ្ឍនភាព និងការរីកចម្រើនក្នុង វិស័យសុខាភិបាលកម្ពុជា

Date: 18/August/2017

ដោយយោងទៅលើសេចក្តីប្រកាសពត៌មាន របស់ក្រសួងជំនាញ អំពីខេត្តមួយចំនួននឹងប្រឈមមុខនឹងខ្យល់ព្យុះ និងអាចបណ្តាលឲ្យមានភ្លៀងធ្លាក់ខ្លាំង លិចទឹក និងអាចបង្កជាទឹកជំនន់ភ្លាមៗ ។ នាយកដ្ឋានប្រយុទ្ធនឹងជំងឺឆ្លង សូមផ្ញើជូននូវសារអប់រំសំខាន់ៗ ក្នុងការបង្ការការឆ្លងជំងឺ និងគ្រោះថ្នាក់នានាជាយថាហេតុ។ សូមទស្សនានូវវីដេអូ និង​ សារអប់រំខ្លី ដែលភ្ជាប់មកជាមួយនេះ និងសូមអរគុណដល់ BEST TV ។ ពត៌មានបន្ថែម ឫរាយការជំងឺរាតត្បាត ឫកើតឡើងច្រើនខុសធម្មតា សូមទាក់ទងលេខ ទូរស័ព្ទទាន់ហេតុការដោយមិនគិតថ្លៃពីគ្រប់ប្រព័ន្ទលេខ 115 ។

video 18 8 2017   CDC message 27 07 2017.sm