Date: 05/September/2019
ពត៌មានទាក់ទងនឹង វិធានការសុខាភិបាល សូមទាក់ទងលេខ ១១៥ ។
Date: 10/August/2019
វគ្គបណ្តុះបណ្តាល អេពីដេមីសាស្រ្តអនុវត្តជួរមុខ ឆ្នាំ២០១៩ រយៈពេល៣ខែ ចំនួន ២០នាក់ សម្រាប់មន្ត្រីនៃ មន្ទីរសុខាភិបាលរាជធានី-ខេត្ត ស្រុកប្រតិបត្តិ ដែលបំពេញការងារទាក់ទងនឹង ប្រព័ន្ធតាមដានជំងឺឆ្លង និងឆ្លើយតបទៅនឹងជំងឺរាតត្បាត។ ការទទួលពាក្យសុំចូលរៀន នឹងចាប់ផ្តើមពីថ្ងៃផ្សព្វផ្សាយនេះ រហូតដល់ថ្ងៃទី ០៤ ខែកញ្ញា ឆ្នាំ២០១៩ ម៉ោង ០៥ ល្ងាច។ ការបរិច្ជេទនៃការចូលរៀន វគ្គបណ្តុះបណ្តាលនេះ គឺចាប់ពីថ្ងៃទី ៣០ ខែកញ្ញា ឆ្នាំ២០១៩ នៅនាយកដ្ខានប្រយុទ្ធនឹងជំងឺឆ្លង នៃក្រសួងសុខាភិបាល។ រាល់ការចំណាយក្នុងការបណ្តុះបណ្តាល ជាបន្ទុករបស់ អង្គការសុខាភាពពិភពលោក។
- Letter_of_Frontline_FETP_2019.pdf
- Frontlint-FETP-Application-Form-2019.docx
- លិខិតអនុញ្ញាតពីមន្ទីរសុខាភិបាលរាជធានី-ខេត្ត.docx
- លិខិតគាំទ្រពីអង្គភាពបំរើការងារ.docx
Date: 18/July/2019
អង្គការសុខភាពពិភពលោក បានប្រកាសការផ្ទុះជំងឺអេបូឡា នៅក្នុងប្រទេស សាធារណៈរដ្ឋប្រជាធិបតេយ្យ កុងហ្គោ នៅក្នុងទ្វីបអាហ្រ្វិក ជាសុខភាពសាធារណៈ ដែលមានការព្រួយបារម្មណ៍ ជាលក្ខណៈអន្តរជាតិ ។ អាស្រ័យហេតុនេះ នាយកដ្ឋានប្រយុទ្ធនឹងជំងឺឆ្លង សូមសំណូមពរដល់ប្រជាជន ដែលមានប្រវត្តិធ្វើដំណើរ មកពីប្រទេសក្នុងទ្វីបនេះ ហើយមានរោគសញ្ញាដូចជា គ្រុនក្តៅលើសពី ៣៨.៥អង្សាសេ ឈឺសាច់ដុំ អស់កំលាំង ក្អួត កន្ទួលក្រហមឬចេញឈាម សូមអញ្ជើញទៅមន្ទីរពេទ្យ ដែលនៅជិតបំផុត ឬទាក់ទងលេខទូរស័ព្ទ ១១៥ ដើម្បីធ្វើការព្យាបាលជាបន្ទាន់ និងជៀសវាងចំលងជំងឺ ទៅសមាជិកគ្រួសារ និងអ្នកដទៃ ។
យើងខ្ញុំនឹងបន្តជូនដំណឹង ដល់សាធារណៈជន អំពីការវិវត្តិជំងឺអេបូឡា នៅប្រទេសកុងហ្គោ តាមរយៈគេហទំព័រ www.cdcmoh.gov.kh និងផេចហ្វេសប៊ុកឈ្មោះ នាយកដ្ឋានប្រយុទ្ធនឹងជំងឺឆ្លង ៕
សូមអានសារអប់រំដែលមានភ្ជាប់មកជាមួយនេះ ។
ពត៌មានបន្ថែម សូមទាក់ទងលេខទូរស័ព្ទ ១១៥
Date: 17/July/2019
សូមបងប្អូនទស្សនា ភាពយន្តអប់រំខ្លី អំពីការបង្ការជំងឺគ្រុនឈាម ។
ជំងឺគ្រុនឈាម អាចកើតមានទាំងលើកុមារ និងមនុស្សពេញវ័យ ។
បើមានរោគសញ្ញាគ្រុនក្តៅលើសពី៣៨.៥ អង្សាសេ និងមិនចុះកំដៅក្នុងរយ:ពេល២ថ្ងៃ សូមទៅពិគ្រោះជំងឺ ជាមួយគ្រូពេទ្យជំនាញ ។
សូមអនាម័យបរិដ្ឋានជុំវិញផ្ទះ ជាពិសេសទឹកដក់លើសម្ភារៈនានាជុំវិញផ្ទះ ។
បើបងប្អូនឃើញជំងឺគ្រុនក្តៅច្រើន ខុសធម្មតាក្នុងភូមិ ក្នុងមូលដ្ឋានរស់នៅរបស់បងប្អូន សូមផ្តល់ពត៌មានទៅ មន្រ្តីសុខាភិបាលនៅជិតបងប្អូនបំផុតជាបន្ទាន់ ឫរាយការណ៏តាមលេខទូរស័ព្ទ 115 ដោយមិនគិតថ្លៃពីគ្រប់ប្រព័ន្ធ ដើម្បីឲ្យមន្ត្រីជំនាញចុះឆ្លើយតបជាបន្ទាន់ ៕