Date: 14/March/2019
ពត៌មានបន្ថែមសូមទាក់ទងលេខ ១១៥ ។
Date: 23/February/2019
កន្លងមកថ្មីៗនេះ មានការរាត្បាតជំងឺថ្មីមួយ ដែលមានការឆ្លងខ្លាំង ទាំងនៅលេីសត្វជ្រូកស្រុក និងជ្រូកព្រៃ ដែលហៅថា ជំងឺផ្តាសាយជ្រូកអាហ្វ្រិក នៅប្រទេសមួយចំនួនធំ នៅប្រទេសអាហ្រ្វិក និងបានចំលងមកប្រទេសចិន និងមកប្រទេសវៀតណាម ផ្នែកខាងជេីង ។ ទោះបីជាមានការឆ្លងខ្លាំងលេីសត្វជ្រូក ដែលបណ្តាលអោយឈឺ និងងាប់ច្រេីនក្តី តែជំងឺនេះមិនបង្កអោយមានប៉ះពាល់់ ដល់សុខភាពមនុស្សឡេីយ ។ តែទោះយ៉ាងណាក៏ដោយ បងប្អូូន មិនត្រូវបរិភោគសាច់ជ្រូក ឈឺឬងាប់ ដែលពុំដឹងមូលហេតុឡេីយ ដែលអាចចំលងជំងឺឆ្លងផ្សេងៗ ។
ពត៌មានបន្ថែមសូមទូរសព្ទលេខ ១១៥
Date: 23/February/2019
សូមបងប្អូនអានសារអប់រំ ទាក់ទងនឹងវិធានការបង្ការជំងឺឆ្កែឆ្កួត និង ស្តាប់កិច្ចសម្ភាសក៏ជាមួយវិទ្យុវាយោ ដែលមានភ្ជាប់មកជាមួយនេះ ៖
Date: 21/February/2019
សូមចុចអាន សេចក្តីជូនពត៌មាន របស់ក្រសួងសុខាភិបាល ស្តីពីបញ្ហាសុខភាពបណ្តាលមកពី ការបរិភោគត្រីក្រពត។
Date: 10/February/2019
ដើម្បីចូលរួមបង្ការសុខភាព ដែលអាចកើតមាន នៅក្នុងអំឡុងពេល អាកាសធាតុក្តៅ នាយកដ្ឋានប្រយុទ្ធនឹងជំងឺឆ្លង សូមអំពាវនាវដល់សាធារណជន ទាំងអស់ឲ្យចូលរួម អនុវត្តន៍វិធានការបង្ការ ដើម្បីសុខភាពល្អ រួមមាន៖
១. ពិសារទឹកឲ្យបានច្រើន៖ បង្កើនការទទួលទានជាតិទឹកឆ្អិន ឲ្យបានច្រើន និងញឹកញាប់ តាមដែលអាចធ្វើទៅបាន ដោយមិនត្រូវរង់ចាំរហូតដល់ស្រេកទឹកទេ ។ កុំពិសាវត្ថុរាវ ដែលមានជាតិអាល់កុល ឬជាតិស្ករច្រើនពេក ពីព្រោះសារធាតុទាំងនេះ បង្កឲ្យអ្នកកាន់តែបាត់បង់ជាតិទឹកច្រើន។ ជៀសវាងកុំពិសាភេសជ្ជៈត្រជាក់ខ្លាំង ពីព្រោះវាអាចបណ្តាលឲ្យរមូលក្រពះ។
២. ការបែកញើសច្រើន ហូរចេញអំបិល និងសារធាតុរ៉ែចេញពីរាងកាយរបស់អ្នក ដែលត្រូវតែបង្គ្រប់វិញ។ ប្រសិនបើអ្នក ហាត់ប្រាណចូរពិសារទឹកភេសជ្ជៈ ឬទឹកមានជាតិរ៉ែឲ្យបានពីរ ទៅបួនកែវ រៀងរាល់១ម៉ោងម្តង មិនត្រូវពិសារជាតិអាល់កុលឡើយ ។...