Date: 12/June/2018

ការមានភ្លៀងធ្លាក់ជាបន្តបន្ទាប់ អាចបណ្តាលឲ្យមានទឹកដក់ ហើយបងប្អូនខ្លះ ត្រង់ទឹកភ្លៀងទុកសំរាប់ប្រើប្រាស់។ ដូច្នេះ ជាឱកាសបណ្តាលឲ្យមូសខ្លាពងដាក់ បង្កជាដង្កូវទឹក និងកើតជាមូសខ្លា ដែលជាភ្នាក់ងារចំលងជំងឺគ្រុនឈាម ។ តាមរបាយការណ៌ពីមន្រ្តីជំនាញ រកឃើញថា មានការកើនឡើងជំងឺគ្រុនឈាម នៅខេត្តមួយចំនួន ដែលបណ្តាលឲ្យខេត្តទាំងនោះ បានចាត់វិធានការបាញ់ថ្នាំ សំលាប់មូសខ្លា និងបើកយុទ្ធនាការ ដាក់ថ្នាំអាបែតបន្ថែម ។ ដូច្នេះដើម្បីបង្ការកុំឲ្យ ផ្ទុះជំងឺគ្រុនឈាម ក្នុងតំបន់ដែលបងប្អូនរស់នៅ សូមបងប្អូនចូលរួមទាំងអស់គ្នា ក្នុងការបំបាត់ជំរកដង្កូវទឹក ក្នុងផ្ទះ ជុំវិញផ្ទះបងប្អូន ទីសាធារណៈនានា និងក្នុងវត្តអារាម ការពារកូនកុំឲ្យមូសខាំ ដោយពាក់ខោអាវគ្របជិតខ្លួនកូន គេងក្នុងមុងជានិច្ច ទាំងពេលថ្ងៃនិងពេលយប់ ។ សូមបងប្អូននាំកូនទៅពេទ្យ ជាបន្ទាន់បើសង្ស័យថា មានជំងឺគ្រុនឈាម ។ រោគសញ្ញាជំងឺគ្រុនឈាមរួមមាន គ្រុនក្តៅ ឈឺក្បាល ឈឺក្រោយរង្វង់ភ្នែក ឈឺពោះ និងករណីខ្លះ មានកន្ទួលក្រហមលើស្បែក ឬសញ្ញាហូរឈាម ។ បើបងប្អូនឃើញជំងឺគ្រុនក្តៅច្រើន ខុសធម្មតាក្នុងភូមិ ក្នុងមូលដ្ឋានរស់នៅរបស់បងប្អូន សូមផ្តល់ព័ត៌មានទៅមន្រ្តីសុខាភិបាល នៅជិតបងប្អូនបំផុត ឫរាយការណ៏តាមលេខទូរស័ព្ទ 115 ដោយមិនគិតថ្លៃពីគ្រប់ប្រព័ន្ធ ដើម្បីឲ្យមន្ត្រីជំនាញ ចុះឆ្លើយតបជាបន្ទាន់ ៕

Date: 08/June/2018

Date: 25/May/2018

ក្រសួងចំនួន៣ ចេញមុខអះអាងថា ករណីពុលនៅខេត្តក្រចេះ បណ្ដាលមកពីពុលស្រាស និងទឹកព្រែក។

Date: 18/May/2018

ថ្មីៗនេះមានការរាតត្បាតឡើងវិញ នៃជំងឺអេបូឡា នៅសាធារណៈរដ្ឋ ប្រជាធិបតេយ្យកុងហ្គោ ក្នុងទ្វីបអាហ្រ្វិក ដែលរហូតដល់ថ្ងៃទី១៨ ខែឧសភា ឆ្នាំ២០១៨ នេះមានចំនួនអ្នកឈឺសរុបចំនួន ៤៥នាក់ ដែលក្នុងនោះ ២៣នាក់បានស្លាប់ ។ ក្រោយពីទទួលបានរបាយការណ៌ពីអង្គការសុខភាពពិភពលោក ស្តីពីការផ្ទុះឡើងវិញនៃជំងឺអេបូឡានេះ នាយកដ្ឋានប្រយុទ្ធនឹងជំងឺឆ្លង បានចាត់វិធានការដោយ ពង្រឹងវិធានការបង្ការ និងត្រៀមឆ្លើយតបជំងឺអេបូឡា ។
វិធានការទាំងនោះរួមមាន ៖
១. ផ្តល់ពត៌មាន អំពីការរាតត្បាតជំងឺអេបូឡា នៅប្រទេសកុងហ្គោ ដល់ក្រុមមន្រ្តីឆ្លើយតបបន្ទាន់ នៅទូទាំងប្រទេស និងវិធានការ ធ្វើការតាមដាន និងឆ្លើយតបឆាប់រហ័ស
២. ណែនាំដល់មន្រ្តីចត្តាឡីស័ក ដែលបំរើការងារតាមព្រំដែនគោក ទឹក និងអាកាសយាន្តដ្ឋាន ស្តីពីការតាមដានសុខភាពអ្នកដំណើរទាំងអស់ ជាពិសេស អ្នកដំណើរមកពីទ្វីបអាហ្រ្វិក និងអនុវត្តន៏តាមវិធានការ បង្ការនិងឆ្លើយតប ជំងឺអេបូឡាដែលមានស្រាប់
៣. បានធ្វើការចែកចាយសម្ភារៈអប់រំ ស្តីពីរបៀបបង្ការ និងឆ្លើយតបជំងឺអេបូឡា ដល់មន្រ្តីឆ្លើយតបបន្ទាន់នៅទូទាំងប្រទេស ដើម្បីផ្សព្វផ្សាយបន្ត
៤. សូមសំណូមពរដល់ប្រជាជន ដែលមានប្រវត្តិធ្វើដំណើរ មកពីប្រទេសក្នុងទ្វីបអាហ្រិក ហើយមានរោគសញ្ញាដូចជា គ្រុនក្តៅលើសពី ៣៨.៥អង្សាសេ ឈឺសាច់ដុំ អស់កំលាំង ក្អួត កន្ទួលក្រហមឬចេញឈាម សូមអញ្ជើញទៅមន្ទីរពេទ្យ ដែលនៅជិតបំផុត ឬទាក់ទងលេខទូរស័ព្ទ ១១៥ ដើម្បីធ្វើការព្យាបាលជាបន្ទាន់ និងជៀសវាងចំលងជំងឺ ទៅសមាជិកគ្រួសារ និងអ្នកដទៃ ។
យើងខ្ញុំនឹងបន្តជូនដំណឹង ដល់សាធារណៈជន អំពីការវិវត្តិនៃជំងឺអេបូឡា នៅប្រទេសកុងហ្គោ តាមរយៈគេហទំព័រ www.cdcmoh.gov.kh និងផេចហ្វេសប៊ុកឈ្មោះ នាយកដ្ឋានប្រយុទ្ធនឹងជំងឺឆ្លង ៕
ពត៌មានបន្ថែមសូមទាក់ទងលេខទូរស័ព្ទ ១១៥

Date: 10/May/2018

សូមអាន និងជួយចែករំលែកបន្ត "សេចក្តីជូនព័ត៌មាន របស់ក្រសួងសុខាភិបាល ស្តីពីករណីជំងឺរាតត្បាត នៅស្រុកកែវសីមា ខេត្តមណ្ឌលគីរី"។