បទសន្ទនាទាក់ទងទៅនឹងជំងឺឆ្ល
ឯកឧត្តម វេជ្ជបណ្ឌិត ម៉ម ប៊ុនហេង រដ្ឋមន្ត្រីក្រសួងសុខាភិបាល បានចុះត្រួតពិនិត្យក្រុមការងារត្រួតពិនិត្យរកជំងឺឆ្លង ZIKA នៅច្រកទ្វារអន្តរជាតិ ប៉ោយប៉ែត និងពិនិត្យមន្ទីរពេទ្យ ប៉ោយប៉ែត ថ្ងៃទី៥តុលា ២០១៦ម៉ោង១២និង២៧នាទី។
សូមបងប្អូនស្ដាប់សារអប់រំទាក់ទងទៅនឹងចំណេះដឹងជំងឺហ្សុីកា (Zika) ។
អ្នកនាំពាក្យក្រសួងសុខាភិបាល និងជាប្រធាននាយកដ្ឋានប្រយុទ្ធនឹងជំងឺឆ្លង លោកវេជ្ជបណ្ឌិត លី សូវ៉ាន់ នៅថ្ងៃទី២១ ខែកញ្ញានេះ ចុះត្រួតពិនិត្យការងារតាមដានជំងឹ Zika (ហ្ស៊ីកា) នៅអាកាសយានដ្ឋានអន្តរជាតិសៀមរាប និងច្រកអន្តរជាតិប៉ោយប៉ែត ដែលជាកន្លែងដែលក្រសួងសុខភិបាល បានបំពាក់ម៉ាស៊ីនស្ទង់កម្តៅ ដើម្បីត្រួតពិនិត្យអ្នកមានផ្ទុកជំងឺ Zika ។
លោក លី សូវ៉ាន់ បានឱ្យដឹង នៅព្រឹកនេះថា «តាមការណែនាំរបស់ឯកឧត្តមរដ្ឋមន្រ្តីក្រសួងសុខាភិបាល ថ្ងៃនេះខ្ញុំបាទផ្ទាល់ នឹងចុះពិនិត្យផ្ទាល់ការងារតាមដានជំងឺ ហ្សីុកា នៅអាកាសយានដ្ឋានអន្តរជាតិ សៀមរាបនៅម៉ោង១០:៣០ព្រឹក និងច្រកផ្លូវគោកប៉ោយប៉ែតពេលល្ងាចម៉ោង៣៖៣០»។
កាលពីម្សិលមិញ នៅក្នុងពិធីសម្ពោធមន្ទីរពេទ្យជំប៉ុនទី១ នៅក្នុងប្រទេសកម្ពុជា ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន ក៏បានស្នើឱ្យក្រសួងសុខាភិបាល និងស្ថាប័នពាក់ព័ន្ធបង្កើនទប់ស្កាត់ជំងឺឆ្លង Zika កុំឱ្យរាលដាលមកដល់ប្រទេសកម្ពុជា ខណៈដែលជំងឺនេះបានកើតឡើង នៅប្រទេសជិតខាងរួចហើយ នាថ្មីៗនេះ៕ ប្រភព Fresh News.